बझाङ, कात्तिक १०: वित्थडचिर गाउँपालिका ३ बाट अवैध लागूऔषध चरेशसहित एक जनालाई प्रहरीले पक्राउ गरेको छ ।
उनको साथबाट करिब १४ केजी चरेशसहित कन्चनपुर शुक्लाफाँटा नगरपालिका ८ बस्ने २१ वर्षीय दिनेश जप्रेललाई गए राति प्रहरीले पक्राउ गरेको हो ।
प्रहरी चौकी स्याडीबाट खटिएको प्रहरीले चैनपुरबाट धनगढीतर्फ जाँदै गरेको ना ६ ख १७७४ नम्बरको बस जाँच गर्ने क्रममा बसमा सवार उनलाई उक्त परिमाणको लागूऔषध सहित फेला पारी पक्राउ गरेको हो ।
जप्रेलसंग रहेका १ जना हाल फरार रहेकाले खोजी गर्नुका साथै यस सम्बन्धमा प्रहरीले आवश्यक अनुसन्धान गरिरहेको बुझिएको छ ।
