पर्वत, माघ १८: अवैध लागूऔषध खरिदबिक्रि गर्ने एक कारोबारी बन्दुकसहित पक्राउ परेका छन् ।
पक्राउ पर्नेमा पर्वतको मोदी गाँउपालिका १ भुकताङ्ले झिल्लीबर्याङ घर भएका ३० वर्षीय मुक्तबहादुर आलेमगर गाँजा, चरेश र बन्दुकसहित पक्राउ परेको प्रहरीले जानकारी दिएको छ ।
आलेमगरको साथबाट प्रहरीले कोठा भित्र बोरामा लुकाएको अवस्थामा १ किलो ग्राम गाँजा, ५० ग्राम चरेश र एउटा १२ बोरको एक–नाले बन्दुक बरामद गरेको हो ।
आलेमगर माथि लागूऔषध सम्बन्धी कसुर र हातहतियार खरखजाना सम्बन्धी एकिकृत कसुरमा मुद्धा दर्ता गरिएको प्रहरीले जनाएका छ । घटनाका विषयमा थप अनुसन्धान भइरहेको पनि प्रहरीले जनाएको छ ।
