काठमाडौं, माघ ३ : बैदेशिक हुलाक भन्सार कार्यालयबाट हङकङतर्फ पठाउन लागेको अवैध लागूऔषध चरेस १५ केजी ५ सय ग्राम सहित नुवाकोट काउले गाविस–३ कि २९ वर्षीया कान्छीमाया घलेलाई प्रहरीले पक्राउ गरेको छ ।
विशेष सूचनाको आधारमा लागूऔषध नियन्त्रण ब्यूरो कोटेश्वरबाट खटिएको प्रहरीले १ सय ४८ वटा धुपको बट्टामा फल्स बटम बनाई लुकाई छिपाई हङकङतर्फ पठाउन लागेको उक्त लागूऔषध सहित घलेलाई पक्राउ गरेको हो । यस विषयमा प्रहरीले थप अनुसन्धान गरिरहेको बुझिएको छ ।
