अवैध लागूऔषध गाँजासहित दुई जना पक्राउ

रिपोर्ट नेपाल | 2020 Oct 20 | 01:49 pm 2386

सर्लाही, कात्तिक ४ः अवैध लागू औषधसहित सोमबार दुई जनालाई प्रहरीले पक्राउ गरेको छ । पक्राउ पर्नेमा चन्द्रनगर नगरपालिका ७ का १९ वर्षीय नरेन्द्र कुमार साह र सोही मोटरसाईकल पछाडी सवार हरिपुर नगरपालिका ५ का २२ वर्षीय जितेन्द्र राम रहेका छन् ।

उनीहरुलाई लालबन्दी नगरपालिका १ लखनदेही खोलाबाट प्रहरी नायब निरीक्षक महाताब आलमको कमाण्डमा खटिएको गस्ती टोलीले पक्राउ गरेको जानकारी दिएको छ ।

हरिवन तर्फबाट नवालपुर तर्फ आउदै गरेको बिआर ०६ एडी ५४९८नम्बरको मोटरसाईकललाई चेकजाँच गर्ने क्रममा बोरामा पोका बनाई ल्याएको करिब २ किलो लागूऔषध गाँजा बरामाद उनीहरुलाई पक्राउ गरेका सर्लाही प्रहरीले जनाएको छ ।

आगलागी

सोमबार सर्लाहीको बाग्मती नगरपालिका २ धरहराका सुशिल पौडेलको घरमा खाना बनाउने क्रममा ग्याँस सिलिण्डर लिक भई आगलागी भएको छ ।

उक्त खबर प्राप्त हुनासाथ प्रहरी चौकी ढुङग्रेखोलाबाट प्रहरी सहायक निरीक्षक तेज प्रसाद अधिकारीको कमाण्डमा
टोलि खटिगई, उक्त आगलागि भएको घरबाट लत्ता कपडा र फर्निचर सामान्य जलेको अवस्थामा आगो नियन्त्रणमा लिएको प्रहरीले जानकारी दिएको छ ।

निभाउने क्रममा सुशिल पौडेलको अनुहारमा सामान्य पोलेकोले स्थानीय कर्ण मेडिकलमा उपचार गरिएको अबस्था सामान्य रहेको बताइएको छ ।

आगो प्रहरी र स्थानीयको सहयोगमा नियन्त्रणमा लिएको र उक्त आगलागीबाट करिब ३० हजार बराबरको क्षति भएको प्रहरीले अनुमान गरेको छ ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.