काठमाडौँ, फागुन २५ : अवैध अमेरिकी डलरसहित एकजनालाई महानगरीय प्रहरी अन्तर्राष्ट्रिय विमानस्थल कार्यालयले पक्राउ गरेको छ । पक्राउ पर्नेमा काठमाडौँका ४२ वर्षीय तिमोथी नकर्मी रहेका छन् ।
उनलाई विमानस्थलको अन्तर्राष्ट्रिय उडानतर्फको आगमन पार्किङ क्षेत्रमा अमेरिकी डलर बोकेर हिँडिरहेको अवस्थामा फेला पारी पक्राउ गरेको प्रहरीले जानकारी दिए ।
महानगरीय प्रहरी कार्यालय रानीपोखरीका प्रवक्ता पूजा सिंहका अनुसार उनको साथबाट १ सय दरको १५ हजार अमेरिकी डलर बोकेर हिँडिरहेको अवस्थामा नकर्मीलाई पक्राउ गरिएको बताए । पक्राउ परेका नकर्मीलाई थप अनुसन्धान गरिरहेको प्रहरीले जनाएको छ ।
