तनहुँ, साउन २८ः मिति २०७९ साउन २६ गते बेलुकी जिल्लाकाे म्याग्दे गाउँपालिका वडा नं. ५ छाङपाटन स्थित सेति नदीको किनारमा सिसौको रुखमा रहेको अरिङगालको गोला पोल्ने क्रममा ३१ बर्षीय टोप बहादुर कुमाललाई सोही अरिङगालले टोकी घाइते बनाएको थियाे ।
उनलाई तत्काल उपचारको लागि शुभलक्ष्मी पोलिक्लिनिक भिमाद हुदै थप उपचारको लागि
गण्डकी अस्पताल पोखरा पठाएकोमा उनको उपचारको क्रममा शनिबार बिहान ९ बजेको समयमा सोही अस्पतालमा मृत्यु भएको बताइएकाे छ । उक्त घटना सम्बन्धमा थप अनुसन्धान भईरहेको प्रहरी नायव उपरीक्षक युवराज खड्काले बताए।
