काठमाडौँ, चैत्र १५ : शुक्रबार देखि संचालन भएको तेस्रो लागनी सम्मेलानमा अर्थमन्त्री युवराज खतिवडाले नेपालमा लगानी गर्न अन्तर्राष्ट्रिय लगानीकर्तालाई आग्रह गरेका छन् । १५ र १६ गते हुने दुई दिने लगानी सम्मेलनको उद्घाटनलाई सम्बोधन गर्दै अर्थमन्त्री खतिवडाले सरकारले कर प्रणाली वैज्ञानिक बनाएको र कानुनी सुधार गर्दै लगानीको वातावरण तयार पारेको जानकारी दिए ।
उक्त सम्मेलनमा सहभागीहरुलाई नेपालको अर्थतन्त्रको बारेमा जानकारी दिँदै सरकार द्रूत आर्थिक विकाससहित अघि बढ्न चाहेको बताए ।
काठमाडौंमा सुरु भएको दुई दिने लगानी सम्मेलन शनिबारसम्म चल्ने र सम्मेलनमा हुन ४० बढी देशका ६ सय बढी विदेशी लगानीकर्ता सम्मेलनमा सहभागी छन्।
यस सम्मेलनमा लगानीकर्तालाई आकर्षित गर्न ७७ वटा आयोजना राखिएको छ। यी आयोजनाको लागत ३० खर्ब बढी रहेको छ।
