मुगु, चैत ७ः हिमाली जिल्ला मुगुको खत्याड गाउँपालिका ३ मा रहेको बालज्योती प्राथमिक विद्यालयमा लाखौं मुल्य बराबरको शैक्षिक सामाग्री वितरण गरिएको छ ।
युवा तथा समाजसेवी अनिल बाँनिको पहल र हेल्पिङ ह्याण्ड फर नेपाल नर्वेको सहयोगमा उक्त शैक्षिक सामाग्री वितरण गरिएको हो ।
हेल्पिङ ह्याण्ड फर नेपाल नर्वे संस्था सन् २०१३ मा स्थापना भई उक्त क्षेत्रको विभिन्न स्थानमा आवाश्यक सामाग्रीहरु वितरण गर्दै आइरहेको छ ।
सहयोग गरिएको उक्त शैक्षिक सामाग्री बालज्योती प्राथमिक विद्यालयमा अध्ययनरत १० जना गरिब तथा जेहेन्दार विद्यार्थीलाई दिइएको अनिल बाँनियाले बताए ।
वितरण गरिएको उक्त शैक्षिक सामाग्रीहरु छनाैटमा परेका प्रत्येक विद्यार्थीलाई १ सेट स्कुल ड्रेस, २ दर्जन कापी, २ दर्जन कलम, २ दर्जन पेन्सील, १ झोला, १ सेट ट्र्याक सुट, १ सेट ज्याकेट, १ रुमाल, १ सेट किताब, १ सेट जत्ता, १ सेट मोजाका साथै खेलकुदका सामाग्री पनि वितरण गरिएको समाजसेवी बाँनियाले बताए ।
गरिब तथा जेहेन्दार विद्यार्थीका लागि गरिएको साना तिना सहयोगले पनि ती विद्यार्थीको आधारभुत आवश्यकता पूरा हुने र उनीहरुको भविष्य निमार्णको लागि टेवा पुग्ने बाँनियाको भनाई रहेको छ ।
बाँनियाकाे पहलमा देशका अन्य स्थानमा पनि विभिन्नका किसिमका राहतका सामाग्री वितरण गरी सकेका छन् । आवश्यक स्थानकाे पहिचान गरी अझै यस्ता किसिमकाे सहयाेगलाई निरन्तरता दिइरहने जनाएका छन् ।
