अछाममा भीरबाट खसेर दुईको मृत्यु

रिपोर्ट नेपाल | 2019 Oct 18 | 07:24 am 1860

अछाम, कात्तिक १: भीरबाट खसेर दुईजनाको मृत्यु भएको छ । मृत्यु हुनेमा रामारोशन गाउँपालिका ७ सुतारका १० वर्षीय अम्मर भण्डारी र बान्नीगढ जयगढ गाउँपालिका ६ दर्नाका ५२ वर्षीय नारायण शाह रहेका छन् ।

भण्डारीको बाख्रा चराएर फर्किने क्रममा र शाहको दाउरा काट्न जाने बेलामा भीरबाट खसेर बुधबार ज्यान गएको प्रहरीले जानकारी दिए ।

भीरबाट लडेर करिब ५० मिटर तल बाँसको झारीमा परेका भण्डारीको घटनास्थलमै ज्यान गएको स्थानीयले बताएका छन्। मृतक भण्डारी कालिका इङ्लिस बोर्डिङ स्कुलका कक्षा १ का छात्र हुन्।

शाह साँझ अबेरसम्म पनि घर नआएपछि परिवारले खोजी गर्दा दाउरा काटेको स्थानदेखि करिब ५० मिटर तल मृत अवस्थामा भेटिएको वडाध्यक्ष कृष्णबहादुर कडायले जानकारी दिए।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.