३३ किलो सुन प्रकरण : बाजेको सेकुवामा प्रहरीको छापा

रिपोर्ट नेपाल | 2018 Jun 13 | 03:31 pm 3389

काठमाडौं, जेठ ३० : साढे ३३ किलो सुन तस्करी र सनम शाक्य हत्या छानबिन गर्नका लागि गठित विशेष अनुसन्धान समितिले आज फेरि अर्को छापा मारेको छ ।

समितिले बुधबार बाजेको सेकुवामा पनि छापा मारेको छ । समितिले प्रतिवादी चेतनाथ भण्डारी सञ्चालक रहेको बाजेको सेकुवामा छापा मारेको हो । नक्साल, गैरीधारास्थित शाखामा समितिले बुधबार छापा मारेको छ ।

गत चैतमा सुन तस्करीको अनुसन्धान समितिले काम थालेपछि भण्डारी पनि फरार भएका छन् । सुन प्रकरणमा बाजेको सेकुवाका संचालक भण्डारीलाई प्रहरीले खोजी गरिरहेको छ।

जिल्ला अदालत मोरङमा दायर मुद्दामा भण्डारीलाई प्रतिवादी बनाएको छ। भण्डारी सुन तस्करीका नाइके भनिएका चुँडामणि उप्रेती गोरेका नातेदार हुन् ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.