काठमाडौं, जेठ १५: यस वर्ष सरकारले २५ हजार भूमिहीनहरूलाई लालपूर्जा वितरण गर्ने भएको छ। अर्थमन्त्री प्रकाशशरण महतले संसदमा बजेट भाषण गर्ने क्रममा उक्त कुरा बताएका हुन् । भूमि आयोगमार्फत् २५ हजार भूमिहीनहरूलाई जग्गाधनी पूर्जा वितरण गर्ने बताए।
उनका अनुसार देशभरिकका ११० स्थानीय तहका २५ हजार भूमिहीनले यस्तो लाभ लिनेछन्।
त्यस्तै मालपोत र नापी कार्यालयलाई थप व्यवस्थित बनाइने र अनलाइन सेवा प्रवाह गर्ने उनको भनाइ छ। उनले सेवाग्राही अनलाइनमार्फत् नै नक्सा आदिलगायतका काम गर्न सकिने बताए।
