काठमाडौँ, साउन २१ । नेपालको हालसम्मको सबैभन्दा ठुलाे परिमाण करिब १ सय किलो सुन तस्करीमा संलग्न १७ जना आरोपीतलाई राजस्व अनुसन्धान विभागबाट प्रहरीको केन्द्रीय अनुसन्धान ब्यूरोमा पठाइएको छ । उनीहरुलाई पुल्चोकस्थित राजस्व अनुसन्धान विभागले साउन ३ देखी हिरासतमा राखेको थियो ।
त्रिभुवन अन्तर्राष्ट्रिय विमानस्थलबाट बाहिरिएको केही समयमा सिनामंगलबाट करिब एक सय किलो सुन कारोबारमा संलग्न आशंकामा राजस्व अनुसन्धान विभागले उनीहरुलाई नियन्त्रणमा लिएको थियो ।हालसम्म चिनियाँ नागरिक जिक्वाङ लिन र तिब्बत मूलका भारतीय नागरिक थाप्तेन छिरिङसहित १७ जना हिरासतमा छन् ।
अहिलेसम्मको अनुसन्धान तथ्यसहित पक्राउ परेकाहरुलाई ब्युरोको जिम्मा लगाइएको राजस्व अनुसन्धान विभागका महानिर्देशक नवराज ढुंगानाले बताए ।
असार ३० मा सो सुन् ‘रेडी ट्रेड प्रालि’ द्वारा आयात गरिएको अनुसन्धानबाट खुलेको छ । रेडी ट्रेडका संचालक दोलखाको मेलुङ गाउँपालिका–३ घर भएका २१ वर्षीय दिलीप भुजेल हुन् । तस्करीमा संलग्न आरोपमा पक्राउ गरिएकी भन्सार एजेन्ट रुक्मिना सुब्बा भने जिम्मा जमानिमा हिरासत मुक्त भएकी छन् ।
