सेयर बजारमा सुधार

| 2021 Apr 28 | 08:05 am 329

काठमाडौँ बैशाख १५: आइतबार र सोमबार उच्च अंकले घटेको सेयर बजारमा मंगलबार सुधार भएको छ । बढ्दो कोभिड संक्रमण र लकडाउनको हल्लाका कारण दुई दिनमै बजार १४० अंकले घटेको थियो । मंगलबार भने नेपाल स्टक एक्सचेन्ज (नेप्से) ९२.४६ अंकले बढेर २५९९.७ अंकमा पुगेको छ ।

नेप्से वृद्धि भए पनि कारोबार रकम र कम्पनीको संख्या भने घटेको छ । यस दिन २१६ कम्पनीका १ करोड २ लाख कित्ता सेयर खरिद बिक्री हुँदा ५ अर्ब १० करोड रुपैयाँ बराबरको कारोबार भएको छ ।

मंगलबार सबै समूहगत परिसूचक पनि बढेका छन् । यसदिन बैंकिङ ४५.१३, व्यापार १९०.७२, होटल तथा पर्यटन ३९.३५, विकास बैंक ९३.७६, जलविद्युत १५३.०८, फाइनान्स ३५.३७, निर्जीवन बिमा ५४३.२७, उत्पादन २३९.०३, अन्य ६९.६५, माइक्रोफाइनान्स २३७.८५, जीवन बिमा ५५८.६३, लगानी ४.३४ र म्युचुअल फण्ड ०.१८ अंकले बढेको छ ।

कोभिडले व्यापार–व्यवसाय प्रभावित भएपछि उद्योगी व्यापारीदेखि सर्वसाधारणसम्म सेयर बजारमा आकर्षित भएपछि सेयर बजारमा उच्च अंकले बढ्दै वैशाख २ गते २७३५.४० अंकमा पुगी रेकर्ड कायम गरेको थियो ।

सरकारले वैशाखभर निषेधाज्ञा घोषणा गरे पनि सेयर बजार सञ्चालन हुने भएपछि लगानीकर्तामा सकारात्मक सन्देश फैलिएको विश्लेषण गरिएको छ । लकडाउनमा पनि अत्यावश्यक सेवा अन्तर्गत बैंक तथा वित्तीय संस्थाका साथै सेयर बजार खुल्ला रहने प्रशासनले जनाएको छ । आजको कारोबार दैनिक बाट

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.