सिन्धुपाल्चोक, भदाै २८ः गएराती सिन्धुपाल्चाेककाे बाह्रबिसे नगरपालिकाका नागपुजे, भिरखर्क र चाङसार भन्ने स्थानमा बाढीपहिरोको फेरि अर्को विपत्ति आइलागेको छ । बाढीपहिराेले १८ घर बगाएको छ । ती घरका सबै बेपत्ता भएका छन् ।
भीरखर्कका १० र नाग पुच्छेका ८ घर तथा किम्बे गाउँ पहिरोले बगाएको इलाका प्रहरी कार्यालय बाह्रबिसेका प्रहरी निरीक्षक नवराज न्यौपानेले जानकारी दिए । थप विवरण आउन बाँकी छ ।
स्थानीय श्याम गोलेले बताए अनुसार ठाडो खहरे खोलाको बाढीसँगै पहिरो गएको बताए। अहिले घटनास्थलमा प्रहरी जाँदै गरेकाे र स्थानीय बासिन्दाहरू बेपत्ताहरूकाे खोजी कार्यमा जुटेका छन् ।
पटकपटक बाढीपहिरो आउँदा सिन्धुपाल्चाेकमा ठूलो मानवीय क्षति भएको छ । गत साउन ३० गते लिदीमा गएको पहिरोमा पुरिएर ३७ जनाको मृत्यु भएको थियो । दुईजना अझै बेपत्ता छन् ।