काठमाडौं, २९ जेठ : संवैधानिक परिषदले मंगलबार प्रधानन्याधीशको नाम सिफारिस गरेको छ । प्रधानन्यायाधीश गोपाल पराजुली पदमुक्त भएपछि सर्वोच्चमा प्रधानन्यायधिस पद रिक्त थियो । मंगलवार सिंहदरबारमा बसेको परिषद् बैठकले वरिष्ठतम न्यायाधीश दीपकराज जोशीको नाम सिफारिस गरिएको होे ।
जोशीको नाम अनुमोदनका लागि संसदीय सुनुवाइ विशेष समितिमा सिफारिस गरेको कानूनमन्त्री शेरबहादुर तामाङले जानकारी दिए । उनले अख्तियार दुरुपयोग अनुसन्धान आयोगको प्रमुख आयुक्त नियुक्तिको सिफारिस पनि छिट्टै गरिने बताए ।
सर्वोच्चमा चैत १ गतेदेखि प्रधानन्यायाधीश पद रिक्त छ। पूर्व प्रधानन्यायाधीश गोपाल पराजुलीले पदबाट राजीनामा दिएसँगै उक्त पद रिक्त थियो।संवैधानिक परिषद्ले सिफारिस गरेपछि अब संसदीय सुनुवाइ गर्दै राष्ट्रपतिबाट नियुक्ति हुने संवैधानिक व्यवस्था छ।
