काठमाडौँ साउन २९: नेपालको संविधानको धारा १८३ बमोजिम लुम्बिनी प्रदेश सभाको विशेष अधिवेशन शुक्रवार रातिदेखि लागू हुने गरी अन्त्य भएको छ । लुम्बिनी प्रदेशका निवर्तमान मुख्यमन्त्री शंकर पोखरेलविरुद्ध प्रदेश सभामा अविश्वासको प्रस्ताव दर्ता भएपछि प्रदेश प्रमुख अमिक शेरचनले साउन २७ गते अधिवेशन आह्वान गरेका थिए ।
निवर्तमान मुख्यमन्त्री पोखरेलले अविश्वासको प्रस्तावको सामना नगरी राजीनामा दिएका थिए । ४ दलीय गठबन्धनको तर्फबाट माओवादी केन्द्र संसदीय दलका नेता कूलप्रसाद केसी मुख्यमन्त्री नियुक्त भएका छन् ।
