काठमाडौँ, आश्विन १३ / नेपाल सुनचाँदी व्यवसायी महासङ्घका अनुसार स्थानीय बजारमा आज सुनको मूल्य प्रतितोला रु छ सयले घटेको छ। महासङ्घका अनुसार लगातार उकालो लाग्दै आएको सुनको मूल्यमा आज सामान्य गिरावट आएको छ।
शुक्रबार प्रतितोला रु एक लाख ६१ हजार दुई सयमा कारोबार भएको छापावाला सुन आजका लागि भने रु एक लाख ६० हजार छ सय निर्धारण भएको छ।
यस्तै, चाँदीको मूल्य तोलामा रु १० ले घटेको छ। शुक्रबार प्रतितोला रु एक हजार नौ सय ५५ मा कारोबार भएको चाँदी आजका लागि भने रु एक हजार नौ सय ४५ निर्धारण भएको छ।
