काठमाडौं, असार ४ : बुद्धभुमी सञ्चार गृह प्रालिद्वारा सञ्चालित रिपोर्ट नेपाल डटकमका डिजाइनर तथा डेभलपर गोल्डेनमड क्रिएसनका प्रबन्ध निर्देशक अंकुर घिमिरेलाई पितृशोक परेको छ । घिमिरेका पिता ४४ वर्षिय श्यामशंकर घिमिरेको आइतबार निधन भएको हो ।
मिर्गौलामा समस्या देखिएपछि उपचाररत घिमिरेको आइतबार निधन भएको परिवारले जानकारी दिएको छ । घिमिरेको आइतबार नै पशुपति आर्यघाटमा दाहसंस्कार गरिएको छ ।
घिमिरेका श्रीमती र एक छोरा छन् । घिमिरेको निधनप्रति दुःख व्यक्त गर्दै रिपोर्ट नेपाल परिवारले मृतकको आत्माको चीर शान्तिको कामना गर्दै शोकाकुल घिमिरे परिवारमा हार्दिक समवेदना प्रकट गरेको छ ।
