काठमाडौं, भदौ ९: नेपालीको महान चाड बडा दशैंमा विगतका वर्षमा राष्ट्र बैंकले सर्वसाधारणलाई दिँदै आएको नयाँ नोट (पैसा) यस वर्ष नदिने भएको छ ।
राष्ट्र बैंक स्रोतका अनुसार यस वर्ष राष्ट्र बैंकको ढुकुटीमा रहेका सुकिला नोट संचालनमा ल्याउँनका लागि नयाँ नोट नदिने बताइएको छ । नयाँ नोट छपाई प्रकृया अघि बढिरहे पनि राष्ट्र बैंकले नोटको सुरक्षा र आयु बढाउनका लागि अभियान चलाउने भएको छ ।
सर्वसाधारणबाट नोटको सुरक्षा र आयु बढाउने काम नभएको भन्दै राष्ट्र बैंकले अभियान चलाउन लागेको स्रोतको दावी छ । झण्डै १५ अर्ब सुकिला नोट पहिलो चरणमा बैंक वित्तीय संस्थामा ल्याउने र दोस्रो चरणमा सर्वसाधारणलाई वितरण गरिने राष्ट्र बैंकले जनाएको छ ।
