गुल्मी, फागुन २८: दुबै मिर्गौला फेल भएर प्रत्यारोपणका लागि आर्थिक अभावमा जीवन र मृत्युसँग जुध्दै आएका ३८ वर्षीय युगल भुजेलको जीवन रक्षाका लागि सहयोग रकम जुट्न सुरु भएको छ ।
युगल बचाउ अभियान नाम दिएर संस्थागत र व्यक्तिगत रकम जुट्न थालेपछि भुजेलको परिवार थोरै भएपनि खुसी देखिएको छ ।
पछिल्लो पटक लेकवेसी आमा समूहले उनको उपचारको लागि १ लाख ५० हजार ९ सय ७० रुपैयाँ सहयोग गरेको छ ।
आमा समूहले पत्रकार सम्मेलन गरी रोग भन्ने जो कोहीलाई लाग्न सक्ने भएकोले थोपा थोपा गरेर घैला भरिए झै आफू सक्दो सहयोग येगललाई गर्न आग्रह गरिएको थियो ।
आमा समूहले उक्त रकम एक समारोहकाबीच युगलका दाजु डीलबहादुर भुजेललाई हस्तान्तरण गरेको थियो ।
भुजेलको जीवन रक्षाका लागि युगल भुजेल बचाउ अभियानको नाममा रहेको राष्ट्रिय बाणिज्य बैंक तमघासको खाता नम्बर ३०१००१०२३१०१ र ग्लोबल आइएमईको ७००१०१००००४०० मा रकम जम्मा गर्न सकिने अभियानका संयोजक राजु पाण्डेले बताएका छन् ।
युगलको जीवन रक्षाका लागि देश विदेशबाट सहयोग रकम उठ्न थालिसकेको छ ।
