काठमाडौं, वैशाख ५ : सरकारले यातायात समितिलाई कम्पनीमा लैजान गर्नुपर्ने सहजीकरणका लागि सात सदस्यीय समिति गठन गरेको छ ।
प्रधानमन्त्री तथा मन्त्रिपरिषद कार्यालयले यातायात व्यवस्था विभागका महानिर्देशक कुमारप्रसाद दाहालको संयोजकत्वमा सात सदस्यीय समिति गठन गरेको हो ।
समितिलाई १५ दिनभित्र राय सुझाव सहितको प्रतिवेदन पेश गर्न निर्देशन दिइएको छ ।
समितिमा कम्पनी रजिष्ट्रार कार्यालयका रजिष्ट्रार, गृह मन्त्रालयका प्रतिनिधि, भौतिक पूर्वाधार तथा यातायात मन्त्रालयका प्रतिनिधि, नेपाल यातायात व्यवसायी राष्ट्रिय महासंघका अध्यक्ष योगेन्द्रनाथ कर्माचार्य, महासचिव सरोज सिटौला र उपमहासचिव बसन्त भण्डारी रहेका छन् ।
बुधबार बसेको समितिको पहिलो बैठकमा समितिमा भएका सवारी साधनलाई सहज ढंगले कम्पनीमा लैजानेबारे प्रारम्भिक छलफल भएको थियो ।
वैशाखमा नै सिन्डिकेट अन्त्यको घोषणा गरेको सरकारले यातायात व्यवसायीहरु कम्पनीमा दर्ता गर्ने म्याद ऐन संशोधन गरेर ३ महिनाका लागि थप गरिएको छ ।
