बारा, माघ १२ : मोटरसाइकल चोरी गरी भाग्दै गर्दा प्रहरीले तीन जना भारतीयलाई पक्राउ गरेको छ । पक्राउ पर्नेमा भारत विहार पूर्वी चम्पारण थाना दारपा ग्राम पिपराका १९ वर्षिय रामनरेश प्रसाद कुशवाहा र दुई जना रहेका छन् ।
यही माघ १० गते वेलुका करिब ६ः३० बजेको समयमा जिल्ला बारा कलैया उपमहानगरपिलका वडा नम्बर–१ स्थितमा पार्किङ्ग गरी राखेको बा ५९ प ८७०९ नम्बरको सुपर स्पलेण्डर मोटरसाईकल चोरी गरी भारत तर्फ भाग्दै गर्दा पक्राउ गरेको हो ।
उनीहरुलाई जिल्ला बारा सुवर्ण गाउँपालिका वडा नम्बर–७ बडकीफुलवरिया स्थित सडकमा प्रहरी चौकी बडकीफुलवरिया बाराबाट खटिएको प्रहरी टोलीले पक्राउ गरेका छन् ।
उक्त चोरी भएको मोटरसाईकल सहित पक्राउ गरी चोरी मुद्दामा बारा जिल्ला अदालतबाट दिन ७ को म्याद थप गरी अनुसन्धान गरिरहको प्रहरीले जानकार दिए ।
पक्राउ मध्येका रामनरेश प्रसाद कुशवाहा गत असार २१ गते कलैया बजारबाट मोटरसाईकल चोरी गरेको कसुरमा पक्राउ परी चोरी मुद्दामा बारा जिल्ला अदालतको आदेशले ८०,००० धरौटी राख्न फैसला गरेका थिए ।
धरौटी राख्न नसकेकाले उनलाई पुर्पक्षको लागि कारागार कार्यालय वीरगंज पठाईएकोमा पछि निजले धरौटी रकम राखि हाल तारेखमा रहेका रहेको बुझिएको छ ।
