काठमाडौं, जेठ १६ः गएराति मिनिट्रकले स्कुटरलाई ठक्कर दिँदा बालाजुमा दुई जनाको मृत्यु भएको छ । मृत्यु हुनेमा बझाङका २२ वर्षका लोकेन्द्र विष्ट र २५ वर्षका धनबहादुर बुढा रहेको प्रहरीले जनाएको छ ।
प्रहरीका अनुसार बिहीबार राति गोंगबुबाट बालाजु जाँदै गरेको बा २ ख ५४ ८४ नम्बरको मिनिट्रकले विपरित दिशाबाट आउदै गरेको ना ६५ प २००१ नम्बरको स्कुटरलाई ठक्कर दिँदा उक्त दुर्घटना भएकाे थियो ।
ठक्करपछि गम्भीर घाइते भएका एकको त्रिवि शिक्षण अस्पताल महाराजगञ्ज र आर्का एकजनाको वीर अस्पतालस्थित ट्रमा सेन्टरमा उपचारको क्रममा मृत्यु भएको प्रहरीले जनाएको छ ।