सल्यान, पुस २६ः गएराति सल्यानमा मालबहाक ट्रक दुर्घटना हुँदा एक जनाको मृत्यु भएको छ ।
ना ४ ख ८८७० नम्बरको ट्रक पल्टिँदा सुर्खेत भेरीगंगा नगरपालिका छिन्चु मदनचौरका अन्दाजी ३५ वर्षीय रविन विकको मृत्यु भएको इलाका प्रहरी कार्यालय सल्लीबजारले जानकारी दिएको छ ।
सल्ली चौरजहारी सडकखण्डअन्तर्गत बनगाड कुपिन्डे नगरपालिका–४ कोलखोला भाटमारे नजिकै दुर्घटजन हुँदा विकको घटनास्थलमै मृत्यु भएको हो ।
विक उक्त ट्रकको चालक रहेको बुझिएको छ । दुर्घटनाबारे थप अनुसन्धान भइरहेको प्रहरीको जनाएको छ ।