भारी वर्षातका कारण डिल्लीबजारस्थित सदरखोर कारागार भत्कियो

रिपोर्ट नेपाल | 2020 Jun 20 | 07:34 am 1821

काठमाडाैं, असार ६ः डिल्लीबजारस्थित रहेकाे सदरखोर कारागारको बाहिरी क्षेत्रकाे जीर्ण भवन शुक्रबार राति भारी वर्षातका कारण भत्किएको छ ।

कारागार प्रशासनका अनुसार उक्त भवनमा ६ सय १२ जना कैही रहेका थिए । उक्त भवन भत्किएपनि कुनै पनि थुनुवा कैदीबन्दी भने भाग्न नपाएका जानकारी गराइएको छ ।

भीआईपी कैदी रहेका सो पूरानो भवनको गाराे भत्किएर विजुलीको तार थिच्दा ट्रान्समिटर पड्किएको जानकारी गराइएको छ । उक्त भवन भत्किएसँगै डिल्ली बजारको बाटो अवरुद्ध भएको छ । उक्त बाटाे जेसीबीको सहायतामा  खाली गरिएकाे जनाइएको छ ।

विजुलीको ट्रान्समिटर पड्किएको कारण सो क्षेत्र अहिले अन्धकारमय बनेको छ । उक्त भवनमा भीआईपी कैदीहरु रामचन्द्र प्यासी, पूर्व डीआईजी रञ्जन कोइराला, सांसद रेशम चौधरी रहेका थिए ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.