काठमाडौं, जेठ २२ । प्रधानमन्त्री पुष्पकमल दाहाल प्रचण्डको भारत भ्रमणका विषयमा अनेक टिका टिप्पणी भए पछि आज आफ्नो भ्रमणमा भएका गतिविधिबारे प्रतिनिधि सभालाई जानकारी गराएका छन् ।
आज बसेको प्रतिनिधि सभाको बैठकलाई प्रधानमन्त्री प्रचण्डले भारतको औपचारिक भ्रमणका विषयमा सदनलाई जानकारी गराएका हुन् ।
भ्रमणका क्रममा जलविद्युत् परियोजनादेखि पेट्रोलियम पदार्थको पाइपलाइन निर्माण तथा विस्तारबारे सहमति भएको जानकारी गराउँदै उनले सीमा विवाद समाधान गर्ने विषयमा छलफल भएको जानकारी दिए ।
सातवटा दस्तावेजमा हस्ताक्षर भएको जानकारी गराउँदै प्रधानमन्त्री प्रचण्डले रेलमार्गबाट पारवाहन शुरू गरिएको समेत बताएका थिए ।
