पर्सा, साउन ८ । बीरगंज घण्टाघर ईलाकाबाट सशस्त्र प्रहरीले करीव १ करोड ९८ लाख २० हजार ३ सय १५ रुपैयाँ बराबरको सामान सहित चारवटा ट्रक नियन्त्रणमा लिएको छ ।
बिलविजक भन्दा बढि र बिलबिजकमा उल्लेख नभएका सामान बोकेको भन्ने सूचनाको आधारमा सशस्त्र प्रहरीले बीरगंजबाट पथलैयातर्फ जाँदै गरेको ना २ ख ९४९१, ना ४ ख ८३३४, ना ३ ख १००९ र ना ३ ख ८०३९ नम्बरको ट्रक नियन्त्रणमा लिएको हो ।
नियन्त्रणमा लिइएका ट्रकमा औषधी, किराना तथा हार्डवयर र कम्प्युटरका पार्ट्स लगायतका सामानहरु रहेका छन् । सामान सहितका ट्रक आवश्यक अनुसन्धानको लागि राजश्व अनुसन्धान कार्यालय पथलैयामा बुझाइएको सशस्त्र प्रहरी निरीक्षक दिल कुमार श्रेष्ठले जनाएका छन् ।
