काठमाडौं, पुस २१ः लागूऔषध नियन्त्रण ब्यूरोको अनुसन्धानका क्रममा खौरो हिरोइन ७४ ग्राम, नियन्त्रीत लागूऔषध तीन हजार एम्पुल, नाइट्राभेट ट्याबलेट चार हजार, पाँच सय चरेस सहित केही व्यक्ति पक्राउ परेका छन् ।
पक्राउ पर्नेहरुलाई लागूऔषध नियन्त्रण ऐन २०३३ बमोजिम लागूऔषध मुद्दा चलाइएको ब्यूरोले जनाएको छ ।
लागूऔषध सहित पक्राउ पर्नेमा सुजन कार्की रहेका छन् । उनीबाट खौरो हिरोइन ६८ ग्राम बरामद भएको छ । त्यस्तै प्रतिवादीलाई अनुसन्धानका क्रममा लागूऔषध बिक्रि गर्न पठाउने भनिएका प्रदिप राईलाई लागूऔषध नियन्त्रण ब्यूरो काँकडभिट्टाका झापाले अर्जुनधारा नगरपालिका ३ बाट पक्राउ गरेको जनाइएको छ ।
त्यसैगरी विशेष सूचनाका आधारमा काठमाडौं महानगरपालिका ९ बाट ५२ वर्षिया रेश्मा देवीको साथबाट ६ ग्राम खैराहिरोइन बरामद गरी अनसन्धान भइरहेको ब्यूरोद्वारा जारी विज्ञप्तीमा जनाइएको छ । जारी विज्ञप्तीका अनुसार वीरगंजबाट काठमाडौं आउँदै गरेको ना ६ ख ७०३६ नम्बरको यात्रुवाहक बसलाई नागढुङ्गा चेक प्वाइन्टमा चेकजाँच गर्ने क्रममा वीरगंज महानगरपालिका २ का ४० वर्षीया सबिना खातुन, २७ वर्षिया सहनाज खातुन, ३३ वर्षिय शेष अमिर भाग्दै गरेको अवस्थामा पक्राउ गरी थानकोट वृत्तलाई बुझाएको छ ।
लागूऔषध नियन्त्रण तथा अनुसन्धान गर्ने क्रममा निगरानी गर्दै जाँदा ठमेल बजारमा बिदेशी पर्यटकलाई लागूऔषध बिक्रि गर्दै गरेको अवस्थामा गोरखा आरुघाट ३ का ४३ वर्षिय ओनारायण श्रेष्ठ, काठमाडौं महानगरपालिका ३ का ३४ वर्षिय सुरेन्द्र नेपाली, दोलखा मेलुङ ७ का ३६ वर्षिय विकास परियारलाई पक्राउ गरिएको जनाइएको छ ।
त्यसैगरी गोकर्णेश्वर नगरपालिका ८ का २५ वर्षिय रोशन श्रेष्ठ र २७ वर्षिय मनोज लामालाई नियन्त्रीत लागूऔषध कोडिन १०० एमएलको ८ बोतल सहित पक्राउ गरिएको ब्यूरोका सूचना अधिकारी प्रहरी उपरीक्षक योगेन्द्र कुमार खड्काद्वारा हस्ताक्षरीत विज्ञप्तीमा जनाइएको छ ।
