बल्खुमा झडप हुँदा दुई घाइते

| 2023 Nov 23 | 01:23 pm 633

काठमाडौं । मेडिकल व्यवसायी दुर्गा प्रसाईंले बिहीबार काठमाडौंको बल्खुमा आयोजना गरेको सभाका क्रममा झडप भएको छ । झडपमा दुईजना घाइते भएका छन् ।

घाइतेलाई उपचारका निम्ति बल्खुस्थित बयोधा अस्पतालमा लगिएको छ । टाउकोमा सामान्य चोट लागेपछि उनीहरूलाई अस्पतालमा लगिएको नेपाल रेडक्रसका स्वास्थ्यकर्मीले बताएका छन् ।

यसअघि, कार्यक्रममा सहभागीले तोडफोड गरेका थिए । बल्खुमा पार्किङ गरेर राखिएका मोटरसाइकलहरू प्रसाईंका समर्थकले लडाएका थिए ।

नेकपा (एमाले)का कार्यकर्ताले प्रदर्शन बिथोल्न खोजेको भन्दै प्रसाईंका समर्थकले त्यसो नगर्न चेतावनी दिएका छन् । एमालेको युवा संगठन युवा संघका कार्यकर्ताले ढुंगा हानेको उनीहरूको आरोप छ ।

एमाले समर्थकले भने आफूहरूको मोटरसाइकल र्‍यालीमाथि अर्को समूहले ढुंगामुढा गरेको आरोप लगाएका छन् । आफूहरूमाथि ढुंगामुढा गरिँदा पनि प्रहरी प्रशासन मौन बसेको उनीहरूको भनाइ छ ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.