काठमाडौं, असार ३ : नेपाल प्रहरीका महानिरीक्षक (आइजीपी) सर्वेन्द्र खनाल र सशस्त्रका महानिरीक्षक शैलेन्द्र खनाल आइतबार राती अमेरिका प्रस्थान गर्ने भएका छन् ।
युनाइटेड मिसन चिफ अफ पुलिस समिटमा भाग लिन उनीहरु अमेरिका जान लागेका हुन् । राती ९ बजेको उडानबाट अमेरिका जान लागेका आइजीपी १२ गते स्वदेश फर्किने कार्यक्रम रहेको स्रोतले जनाएको छ ।
उनीहरुका साथमा नेपाल प्रहरीका प्रहरी उपरीक्षक दान बहादुर कार्की र सशस्त्र प्रहरीका निरीक्षक नारायण गुरुङपनि जाने भएका छन् ।
