प्रम ओलीलाई पूर्वप्रम भट्टराईको आग्रह- ‘नयाँ नाका खोल्न पहल गर्नुस्’

| 2018 Jun 18 | 07:11 am 3561

भोलि (असार ५) मंगलबारदेखि प्रधानमन्त्री केपी शर्मा ओलीबाट हुन लागेको चीन भ्रमणका क्रममा थप नाका खोल्नका लागि पहल गर्न नयाँ शक्ति पार्टीले आग्रह गरेको छ । सो पार्टीका संयोजक डा. बाबुराम भट्टराईले कैलाश जाने गोरखाको झालाङ र राईलगायत ओलाङचुङ्गोला, किमाथांका, लामाबगर, लार्के, मनाङ, मुगु, हिल्सालगायतका नाका पूर्व सहमतिअनुसार २० किमीसम्म स्थानीय एकअर्काका क्षेत्रसम्म जान पाउने गरी खोल्न चिनियाँ पक्षसँग आवश्यक पहल गर्न आग्रह गरेका हुन् ।

प्रधानमन्त्रीबाट मागिएको सुझावमा पूर्वप्रधानमन्त्री भट्टराईले हिमालपार रेलमार्गको विषयमा समेत स्पष्ट छलफल गर्न आग्रह गरेका छन् । भौगोलिक विषमताका कारण उच्च प्राविधिक अध्ययन गर्न आग्रह गर्दै उनले अनुदानबाहेक ऋणमा रेलमार्ग निर्माण गर्ने विषय सहज हुने वा नहुने भन्ने विषयमा छिमेकी राष्ट्रको अनुभवसमेत नेपालका लागि उपयोगी हुने सुझाव दिएका बुझिएको छ ।

ड. भट्टराईले प्रधानमन्त्रीको अघिल्लो भ्रमणका क्रममा भएका सहमति तथा सम्झौता कार्यान्वयनमा विशेष ध्यान दिन सहमति कार्यान्वयनका लागि समयावधि निर्धारण गर्नसमेत आग्रह गरेका छन् ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.