प्रदेशसभा बैठक बहिष्कार गर्ने कांग्रेसको निर्णय

| 2024 Apr 19 | 02:25 pm 477

काठमाडौँ, ०७ वैशाख / नेपाली कांग्रेसले सर्वोच्च अदालतबाट मुद्दा किनारा नलाग्दासम्म गण्डकी प्रदेशसभा बैठक बहिष्कार गर्ने निर्णय गरेको छ । कांग्रेस संसदीय दलको शुक्रबार बसेको बैठकले बैठक बहिष्कार गर्ने निर्णय गरेको प्रमुख सचेतक नन्दप्रसाद न्यौपानेले जानकारी दिए ।

बहिष्कार गर्ने जानकारी सभामुखलाई गराएको छ । कांग्रेस संसदीय दलको बैठकले सर्वोच्च अदालतबाट भएको अन्तरिम आदेश, संविधान र विद्यमान कानूनको बेवास्ता गरिएको भन्दै असंवैधानिक क्रियाकलापहरुप्रति असहमति रहेको उल्लेख गरेको छ ।

यस अघिनै सर्वोच्चले मुख्यमन्त्री अधिकारी नेतृत्वको गण्डकी प्रदेश सरकारलाई नियमित कार्य सञ्चालनबाहेकका काम र दीर्घकालीन असर पर्ने निर्णयहरू नगर्न अन्तरिम आदेश दिएको थियो ।

राष्ट्रिय प्रजातन्त्र पार्टी (राप्रपा)ले पनि अदालतबाट कुनै निर्णय नआएसम्म संसदीय गतिविधिमा सहभागी नहुने जनाएको छ ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.