काठमाडौं, कात्तिक ४: मुख्य कठिनाइका रूपमा रहेको पृथ्वी राजमार्गको नागढुङ्गा–मुग्लिन सडकखण्ड विस्तार गरिने भएको छ । हालसम्म दुई लेनमा रहेको सडक अबको विस्तरपछि छ लेनसम्म विस्तार गरिने भएको हो ।
सो सडकखण्ड विस्तारका लागि सडक विभागको विस्तृत परियोजन प्रतिवेदन अनुसार (डीपीआर) र (ड्रोइङ डिजाइन) तयार भइसकेको छ भने वातावरणीय प्रभाव मूल्याङ्कन (ईआईए) स्वीकृतिको अन्तिम चरणमा रहेको जानकारी दिए ।
वातावरणीय प्रभाव मूल्याङ्कन स्वीकृति भइनसक्दा थप प्रक्रिया अगाडि बढाउन ढिलाइ भएको सडक विभागले जनाए ।
सडक विभाग, विकास सहायता कार्यान्वयन महाशाखा प्रमुख अर्जुनजङ्ग थापाले विश्व बैङ्कको सहयोगमा निर्माण गरिने यो सडकखण्डको विस्तार कार्य आगामी जनवरीबाट सुरु गरिने जानकारी दिए । आजको गोरखापत्र दैनिकबाट