-
शंकर रिखाम मगर
उदयपुर फागुन, १९ः रौता स्पोर्टस् क्लब रौतामाई ७ को व्यवस्थापन तथा जिल्ला फुटबल संघ उदयपुरको समन्वय र रौतामाई गाउँपालिका भुट्टारको आयोजनामा प्रथम रौतामाई गाउँपालिका फुटबल कप प्रतियोगितामा आज भएको पहिलो सेमि फाइनल खेलमा १ को विरुद्ध ३ गोलले गाइघाट फुटबल क्लब फाइनल प्रवेश गरेको छ ।
सेमि फाइनलको खेलमा गाइघाट फुटबल क्लब उदयपुर र बसाहा ११ विच भएको थियो । उक्त खेल सुरु भएको २ मिनेटमै गाइघाट फुटबल क्लबका जर्सी नम्वर ८ का खेलाडी देवराज चौधरीले गोल गर्न सफल भएका थिए, भने खेलको १६औं मिनेटमा बसाहा ११ ले पेनाल्टी पाएपछि जर्शी नम्वर ८ का खेलाडी क्याप्टेन नवल तामाङले १ गोल गरि टिमलाई बराबरीको अवस्था बनाएका थिए । खेलको क्रममा १८ मिनेट बित्न नपाउदै गाइघाटबाट जर्शी नम्वर १० का पविन राई (फुर्के) ले १ गोल गर्दै टिमलाई अग्रता दिलाए । मध्यान्तर हुन २ मिनेट बाँकी रहदा फेरि गाइघाटका जर्शी नम्वर १० का पविन राई (फुर्के)ले नै थप १ गोल गर्दै टिमलाई आफ्नो गोल अन्तर दोब्बर बनाएका थिए ।
मध्यान्तर पछिको खेलमा दुबै टिमले गोल गर्न सकेनन् । भोलिको दोश्रो सेमि फाइनलको विजेता टिम सङ्ग गाइघाटले फाइनल खेल खेल्न पाउने भएको छ । २० गते शनिबारका दिन गोलबजार स्पोर्टस क्लव सिराहा र न्यु त्रीयुगा स्पोर्टस क्लब फत्तेपुर सप्तरी बीच दोश्रो सेमि फाइनल खेल हुने आयोजकले बताएको छ । फाइनल खेल भने २१ गते आइतबार दिउँसो १ बजेबाट सन्चालन गरिने रौता स्पोर्टस् क्लबका सचिव टेकराज रिखाम मगरले जानकारि दिए ।
आजको खेलमा म्यान अफ दि म्याचका गाइघाट फुटबल क्लब गाइघाटका गोल रक्षक निमछिरिङ्ग शेर्पा घोषित भएका छन् । उक्त घोषित खेलाडिलाई त्रीयुगा नगरपालिका १६ का पूर्व खेलाडी तथा समाजसेवी साथै उदयपुर सिमेण्ट उद्योग लिमिटेड खानी महाशाखा सुकौराका कर्मचारी उपेन्द्र रखाल मगरले नगद १ हजार रुपैयाँ प्रायोजन गरेका थिए भने जिल्ला फुटवल संघ उदयपुरका अध्यक्ष रन्जन कार्कीले मेडल प्रदान गरेका थिए ।
उक्त प्रथम सेमि फाइनल खेल खेलाउने रेफ्रीहरुमा कुमार आले मगर (राजु) को साथमा तिलक विक, अम्वरवहादुर राई, विजय राई र रुपेश मगर रहेका थिए ।
