धनुषा, माघ २४ : नेपालको विभिन्न धार्मीक तथा सांस्कृतिक सम्पदाहरुलाई विश्व सम्पदामा सूचिमा सूचिकृत गरिसकेका छन् त्यस्तै जनकपुरको जानकी मन्दिरलाई पनि विश्व सम्पदा सूचीमा राखिने भएको छ ।
पुरातत्व विभागका टोलीसँगै युनेस्कोबाट आएका क्रिष्टन मनहर्टले जनकपुरधाम उपमहानगरपालिकाका प्रमुख लालकिशोर साहसँग बिहीबार यस विषयमा छलफल गरेका थिए ।
उपमहानगरप्रमुख साहका अनुसार विश्वसम्पदा सूचीमा राख्न अधिकांश प्रक्रिया पूरा भए पनि अझै केही बाँकी रहेको मनहर्टले जानकारी दिएको बताए । मनहर्टले विश्व सम्पदा सूचीमा सूचीकृत गराउन पूर्वाधारसम्बन्धी पुस्तक आफूलाई दिएको र त्यही बमोजिम बाँकी प्रक्रिया पूरा गर्न आग्रह गरेका पनि बताए ।
