नेपालमा थप ४ सय २१ जनामा कोरोना पुष्टि, कुल संक्रमित ९ हजार बढी

रिपोर्ट नेपाल | 2020 Jun 21 | 04:45 pm 1540

काठमाडौं, असार ७ः आइतबार नेपालमा थप ४ सय २१ जनामा कोरोना स‌ंक्रमण पुष्टि भएको छ ।

स्वास्थ्य तथा जनसंख्या मन्त्रालयले कोरोना अपडेटबारे नियमित प्रेस ब्रिफिङ मार्फत उक्त विवरणको जानकारी दिएको हो। योसँगै नेपालमा संक्रमितको संख्या स‌ंख्या ९ हजार २६ पुगेको छ ।

आइतवार थपिएका नयाँ संक्रमितहरुमा ६४ जना महिला र ३ सय ५७ जना पुरुष रहेका छन्।

अहिलेसम्म देशभर भेटिएका ९ हजार २६ जना संक्रमितमध्ये ८ सय २० जना महिला र ८ हजार २ सय ६ जना पुरुष रहेका छन्।

स्वास्थ्य तथा जनसंख्या मन्त्रालयका आइतबार कोरोना संक्रमण निको भई १ सय ९४ जना डिस्चार्ज भएको छ । हालसम्म डिस्चार्ज हुनेको संख्या १ हजार ७ सय ७२ जना पुगेको छ ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.