नेपालमा थप ३ सय २३ जनामा कोरोना संक्रमण पुष्टि, कुल संख्या ४ हजार ८५

रिपोर्ट नेपाल | 2020 Jun 09 | 05:36 pm 1656

काठमाडाैं, जेठ २७ः मंगलबार नेपालमा थप ३ सय २३ जनामा कोरोना भाइरस  संक्रमणको पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशका बिभिन्न भागमा ३ सय २३ जनामा संक्रमण पुष्टि भएकाे हाे ।

मंगलबार थप हुनेमा २ सय ९२ पुरुष र ३० महिला रहेका छन् । योसंगै नेपालमा संक्रमितको कुल संख्या ४ हजार ८५ पुगेको छ ।

उक्त विवरणकाे जानकारी स्वास्थ्य मन्त्रालयकाे नियमित पत्रकार सम्मेलनमा दिइएको हाे । जानकारी अनुसार आज नयाँ इलाम जिल्लामा समेत कोरोना संक्रमित देखिएसँगै मुलुकभर ७२ जिल्लामा संक्रमण फैलिएको छ ।

कोशी अस्पताल विराटनगरमा गरिएको परीक्षणमा इलामका १ जनामा संक्रमण देखिएको हाे । इलाममा संक्रमण पहिलोपटक देखिएको हो ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.