नेपालमा थप २ सय ५५ जनामा कोरोना पुष्टि

रिपोर्ट नेपाल | 2020 Jul 08 | 04:45 pm 1616

काठमाडौं, असार २४ः बुधबार नेपालमा थप २ सय ५५ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयको नियमित पत्रकार सम्मेलन मार्फत मन्त्रालयका प्रवक्ता डा जागेश्वर गौतमले २ सय ५५ जनामा कोरोना पुष्टि भएको बताएका हुन् ।

योसँगै नेपालमा संक्रमितको संख्या १६ हजार ४ सय २३ पुगेका छन् ।

पछिल्लो २४ घण्टामा देशका विभिन्न प्रयोगशालामा गरिएको परीक्षणमा उक्त विवरणमा जनाए बमोजिमका व्यक्तिमा कोरोना संक्रमण पोजिटिभ पाइएका हुन् ।

मन्त्रालयका अनुसार बुधबार २ सय ९३ डिस्चार्ज भएसँगै हालसम्म घर फर्किनेको संख्या ७ हजार ७ सय ९२ जना रहेको छ भने मृत्यु हुनेको संख्या ३५ जना पुगेका छन् ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.