नेपालमा थप २ सय ४६ जनामा कोरोना पुष्टि

रिपोर्ट नेपाल | 2020 Aug 02 | 05:05 pm 2183

काठमाडौं, साउन १८ः आइतबार नेपालमा थप २ सय ४६ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयले नियमित गर्ने पत्रकार सम्मेलन मार्फत मन्त्रालयका प्रवक्ता डा जागेश्वर गौतमले उक्त विवरणको जानकारी दिएका हुन् ।

पछिल्लो २४ घण्टामा देशको विभिन्न स्थानमा रहेको प्रयोगशालामा गरिएको परीक्षणमा नयाँ संक्रमित फेला परेका हुन् ।

यससँगै नेपालमा कोरोना संक्रमितको संख्या २० हजार ३ सय ३२ पुगेको छ ।

यस्तै, आइतबार १ सय ११ जना डिस्चार्ज भएसँगै कोरोना मुक्त हुनेको संख्या १४ हजार ६ सय ३ पुगेको छ ।

नेपालमा हालसम्म कोरोना संक्रमणबाट ५७ जनाको मृत्यु भइसकेको छ ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.