नेपालको अमेरिकामाथि पाँच विकेटको जित

रिपोर्ट नेपाल | 2021 Sep 14 | 07:26 am 105

काठमाडौं, भदौ २९ः नेपालले अमेरिकालाई छ विकेटले हराएको छ । आईसीसी विश्व क्रिकेट लिग–२ अन्तगर्त आज सम्पन्न पहिलो एकदिबसीय खेलमा नेपालले अमेरिकालाई पाँच विकेटले हराएको हो ।

अमेरिकाले प्रस्तुत गरेको २३१ रनको लक्ष्य नेपालले खेल सकिन एक ओभर बाँकी छदा मात्र पाँच विकेटको क्षतिमा पुरा गर्यो । नेपालको जितमा रोहित पौडेलले अविजित ६२ रनको पारी खेले ।

जितका लागि मात्र तीन रन आवश्यक छदा बिनोद भण्डारीले ‘रिभर्स स्वीप’ खेल्दा ३७ रनको ब्यक्तिगत् योगफलमा अमेरिकी विकेटकीपरको हातमा क्याच थमाए । १४५ रनमा चार विकेट गुमाउँदा दबाबमा आएको नेपाली पारीलाई रोहित पौडेल र बिनोद भण्डारीको जोडीले जित नजिक डोरयायो । दुबैजनाले पाँचौं विकेटका लागि ८३ रनको साझेदारी गरे ।

बिनोदले ४८ बलमा दुई चौका र एक छक्काको सहयोगमा ३७ रनको योगदान दिदा रोहितले अविजित ६२ रनको योगदान दिए । उनले ८७ बलको सामना गर्दै दुई चौका र तीन छक्का लगाए । रोहितले ४७ औं ओभरको दोस्रो बलमा छक्का लगाउँदै आफ्नो अर्धशतक पुरा गरे ।
ओपनर कुशल भुर्तेल र आशिफ शेषले ६६ रनको साझेदारी गर्दा नेपालले औसत लक्ष्य पछ्याउने क्रममा उत्कृष्ट सुरुवात गर्न पुग्यो । आशिफ शेषले २३ रन बनाएर पेभेलियन फर्किए । अर्का ओपनर कुशल भुर्तेलले भने ९३ बलको सामना गर्दै तीन चौका र तीन छक्काको सहयोगमा ८४ रनको उत्कृष्ट पारी खेले । उनले अन्तर्राष्ट्रिय एकदिबसीय खेलमा आफ्नो पहिलो अर्धशतक लगाए ।

कप्तान ज्ञानेन्द्र मल्ल १७ र कुशल मल्ल एक रन बनाएर पेभेलियन फर्किदा नेपाली पारी दबाब आएको थियो । कप्तान मल्ल पेभेलियन फर्केपछि चौथो नम्बरमा रोहित पौडेल ब्याटिङ गर्न आए । तर कुशल भुर्तेलले रोहित र रोहितले बिनोद भण्डारीसँग उत्कृष्ट साझेदारी गर्दा नेपालको जित सुनिश्चित भयो ।

कुशल भुर्तेलले रोहित पौडेलसँग तेस्रो विकेटका लागि ५१ रनको साझेदारी गर्नुभयो । भुर्तेल पेभेलियन फर्किदा ब्याटिङ गर्न आएका कुशल मल्ल एक रन जोड्दै आउट भएपछि बिनोद भण्डारी ब्याटिङ गर्न आए ।

त्यसअघि, ओमानको अल एमिरात क्रिकेट रङशालामा टस जितेर पहिला ब्याटिङ गर्ने निर्णय गरेको अमेरिकाले पुरै ५० ओभर खेल्दै नौ विकेटको क्षतिमा २३० रनको योगफल तयार गरेको थियो । अमेरिकाका लागि मनाङ्क पटेलले शतकीय पारी खेलेपछि अमेरिकाले सम्मानजनक योगफल तयार गर्न सफल भयो । उनले मात्र ११४ बलको सामना गर्दै नौ चौका र एक छक्काको सहयोगमा एक सय रनको योगदान दिए ।

नेपालको प्रमुख बलर सोमपाल कामी विकेटविहीन रहे । उनले नौ ओभरमा ४४ रन खर्चिए । बिक्रम सोबले छ ओभरमा ३३ रन खर्चेर दुई तथा सन्दीप लामिछानेले दश ओभरमा ३५ रन खर्चेर दुई र सुशन भारीले दश ओभरमा ३१ रन खर्चेर दुई विकेट लिए । कुशल मल्लले एक विकेट लिए । नेपालले दोस्रो खेलमा ओमानको सामना गर्नेछ । गाेरखापत्र दैनिकबाट

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.