काठमाडौं, मंसिर २६ः निर्वाचन आयोगले प्रतिनिधिसभा र प्रदेशसभा निर्वाचनका लागि लागू गरेको निर्वाचन आचारसंहिता हटाएको छ ।
आयोगले प्रतिनिधिसभा र प्रदेशसभा निर्वाचनको प्रत्यक्ष र समानुपातिक निर्वाचन प्रणालीतर्फका सांसदको टुंगो लागेसँगै सोमबारबाट लागू हुनेगरी आचारसंहिता हटाएको हो । निर्वाचनका लागि आयोगले गत १२ असाजदेखि मुलुकभर निर्वाचन आचारसंहिता लागू गरेको थियो ।
आयोगका प्रवक्ता शालिग्राम शर्मा पौडेलले आचारसंहिता लागू समाप्त हुने निर्णयको जानकारी नेपाल सरकार, प्रधानमन्त्री तथा मन्त्रिपरिषद्को कार्यालय, सम्पूर्ण मन्त्रालय तथा संवैधानिक निकायमा गराइएको बताए । राजधानी दैनिकबाट
