काठमाडौँ १३ भदौ / हिजो सामान्य बढेको शेयर बजार आज उच्च अङ्कले घटेको छ । शेयर बजार परिसूचक नेप्से आज ३६ दशमलव ८३ अङ्कले घटेर दुई हजार सात सय ४९ दशमलव ५७ विन्दुमा झरेको छ ।
बिहीबार ३२२ कम्पनीका १ लाख ४६ हजार २ सय ४ पटकको कारोबारमा २ करोड ८३ लाख ४६ हजार २ सय ४६ कित्ता सेयर खरिद बिक्री भएको छ । जसमा कारोबार रकम १२ अर्ब २४ करोड ३६ लाख १ हजार रुपैयाँ रहेको छ ।
५३ कम्पनीको सेयर मूल्य बढ्दा १८८ वटाको घटेको छ भने २ वटा स्थिर रहेको छ । झिनो अंकले म्युचुअल फन्डहरु बढ्दा अन्य १२ उपसमूह राताम्मे छन् । कुथेली बुखरी स्मल हाइड्रोपावरका लगानीकर्ताले १० प्रतिशतका दरले कमाएका छन् भने आज गुडविल फाइनान्सको सर्वाधिक कारोबार भएको छ ।
