असार २८ शुक्रबार / नारायणगढ–मुग्लिन सडकखण्डमा आज बिहान गएको पहिरोले दुई वटा बस बगाउँदा बेपत्ता यात्रु खोज्न ठूलो संख्यामा सुरक्षाकर्मी परिचालन गरएिको छ।
नेपाल विपद् व्यवस्थापन तालिम शिक्षालय कुरिनटार र सशस्त्र प्रहरी बलबाट गएको गोताखोरसहितको फौजले घटनास्थलमा पुगेर बिहानैदेखि उद्धार कार्य सुरु गरेको छ ।
शुक्रबार बिहान साढे तीन बजे सो सडकखण्डको सिमताल भन्ने ठाउँँमा अविरल वर्षासँगै आएको पहिरोले दुई वटा बस बगाएर त्रिशूलीमा खसाएको हो।
काठमाडौँबाट गौर जान जाँदै गरेको गणपति डिलक्स र वीरगन्जबाट काठमाडौं जाँदै गरेको एन्जल बस पहिरोसहित त्रिशूलीमा खसेका हुन्। घटना स्थलमा उद्धारको थालनी भएको छ।
