त्रिशुलीमा ट्रक खस्यो, दुर्इ जना वेपत्ता

| 2018 Jun 09 | 09:06 am 1210

काठमाडौं, जेठ २५ : त्रिशुलीमा ट्रक खस्दा दुर्इ जना वेपत्ता भएका छन् भने एक जना सामान्य घाइते भएका छन् ।

भैरहवाबाट काठमाडौंतर्फ आइरहेको ना ५ ख ३४४५ नम्बरको मालबाहक ट्रक शुक्रबार राती ११:३० बजेतिर नारायणगढ- मुग्लिन सडकखण्डको मजिम्टार तिग्रामखानीबाट त्रिशुलीमा खस्दा दुर्इ जना वेपत्ता भएको धादिङ प्रहरी नायब उपरीक्षक डम्बर बहादुर विकले जानकारी दिए ।

डिएसपी विकका अनुसार वेपत्ता हुनेमा चालक टोप बहादुर श्रेष्ठ र नाम खुल्न नसकेको सहचालक रहेका छन् । तीन जना सवार ट्रकमा एक जना तुलसी दुलाल भने पौडी खेलेर निस्कन सफल भएका छन् । उनको खुट्टामा सामान्य चोट लागेको छ ।

वेपत्ताको खोजीका लागि हिजो रातीदेखि नै गोताखोरको टोली लागेपनि धमिलो पानीका कारण अहिलेसम्म फेला पार्न नसकिएको डिएसपी विकले बताए ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.