तरुण दल बाँकेका कोषाध्यक्ष खड्का पक्राउ

रिपोर्ट नेपाल | 2019 Nov 19 | 09:29 am 2924

काठमाडौं, मंसिर ३: प्रमुख प्रतिपक्ष दल नेपाली कांग्रेस निकट तरुण दल बाँकेका कोषाध्यक्ष केशर खड्का पक्राउ परेका छन् । अमेरिकन आधुनिक हतियारसहित कात्तिक १४ मा पक्राउ परेका नेपालगञ्ज नगरसभापतिलाई भने अदालतले पुर्पक्षका लागि कारागार चलान गरेको छ ।

खड्कालाई ज्यान मार्ने उद्योगसम्बन्धी कसुरमा फरार रहेको आरोपमा काठमाडौंबाट पक्राउ गरिएको प्रहरीले जानकारी दिए । उनी अपहरण परेको भनेर फोन आएपछि प्रहरी टोली खोजीमा जुटेको थियो । उनले प्रयोग गर्ने मोबाइल ट्र्याकिङ गर्दै प्रहरी गोंगबुको एक होटलमा पुग्यो र खड्कालाई फेला पार्‍यो । सोधपुछको क्रममा उनले आफूले अपहरणको नाटक गरेको प्रहरीलाई बताए ।

इलाका प्रहरी कार्यालय, कोहलपुरबाट प्राप्त पत्रअनुसार खड्कालाई महानगरीय अपराध अनुसन्धान महाशाखा, टेकुको टोलीले पक्राउ गरेको बताइएको छ ।

प्रहरीका अनुसार, २६ असोजमा खुकुरी प्रहार गरिएका लोकेन्द्र शाहीको घटनामा खड्का प्रतिवादी रहको बुझिएको छ ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.