कौरव खत्री गुल्मी, पुस १९ः बागलुङ बडिगाडका एक वृद्धले व्यवसायिक रुपमा ड्रागन र प्यासन फलको विरुवा रोपेर उद्घाटनसँगै खेतीको शुरुवात गरेको छ ।
शनिबार ड्रागन र प्यासनका विरुवा रोपेर उद्घाटन गर्दै प्रमुख अतिथि मुसिकोट नगरपालिकाका नगर प्रमुख सोमनाथ सापकोटाले ड्रागन र प्यासन फलफुल खेती नौलो भएकोले यस्तो खेती गर्ने कृषकलाई धन्यवाद दिए ।
नगरप्रमुख सापकोटाले कृषि क्षेत्रमा लागेर कृषि गर्ने कृषकहलाई अनुदान सहयोग गर्ने भन्दै कृषकहरुलाई निर्वाहमुखी खेती नभएर व्यवसायिक कृषि खेती गर्न आग्रह गरे ।
उक्त कार्यक्रममा अवसरमा बडिगाड गाँउपालिकाका अध्यक्ष मेहरसिंह पाइजा, महिला अधिकारकर्मी बिष्णु सापकोटा, मुसिकोट युनेस्कोका अध्यक्ष मोहन घिमिरे, सिर्जना माछा तथा कृषि फर्मका सञ्चालक जिवन अर्याल, कृषि प्राविधिक सर्वजित ओली, ड्रागन र प्यासन खेतीका व्यवस्थापक तथा अगुवा कृषक बालकृष्ण अर्याल लगायतले शुभकामना मन्तव्य राखेका थिए ।
बडिगाड गाँउपालिका ५ ग्वालिचौर ताहाला निवासी ७४ बर्षीय समाजसेवी वृद्ध बालकृष्ण अर्यालले आफ्नो करिव १५लाखको एकल लगानीमा नँया फल अन्तरगत ड्रागन र प्यासन फलको खेतीको शुरुवात गरेका हुन् ।
रचेबाराजियल ड्रागन र प्यासन फलफुल विकास परियोजना हालै मुसिकोट नगरपालिकामा फर्म दर्ता गरेर व्यवसायलाई अगाडी बढाएका हुन् ।
उद्घाटन कार्यक्रम मुसिकोट नगरपालिका १ का वडा अध्यक्ष पूर्ण बहादुर हितानको अध्यक्षता रहेको उक्त कार्यक्रमको सञ्चालन भने युवा समाजसेवी दिनानाथ पौड्यालले गरेका थिए ।
