ट्रायल पास गरेको केही दिनमै स्मार्ट लाइसेन्स पाइने

रिपोर्ट नेपाल | 2020 Jun 27 | 04:18 pm 2065

काठमाडौं, असार १३ः यातायात व्यवस्था विभागले पाँच बर्षदेखिको समस्या अबको दुई महिनापछिबाट समाधान हुने बताएको छ ।

ट्रायल पास गरेको डेढ बर्षसम्म पनि चालकहरुले स्मार्ट लाइसेन्स नपाएको गुनासो गर्दै आएका थिए ।

स्मार्ट लाइसेन्स छपाईमा भएको ढिलासुस्तीको कारण आलोचना खेप्दै आएको विभागले अबको दुई महिनापछि ट्रायल पास गरेको केही दिनमै स्मार्ट लाइसेन्स दिने भएको हो ।

लकडाउनमा पनि कार्यालय नियमित रुपमा सञ्चालन गरेर दुई सिफ्टमा विभागले स्मार्ट लाइसेन्सको कामलाई नियमित गरेको छ । विभागले विभागले लकडाउनको अवधिमा छापिएका स्मार्ट लाइसेन्सको वितरण सुरु गरेको छ ।

करिब २ लाख स्मार्ट लाइसेन्स छाप्ने काम तीब्र गतिमा छापिरहेको भइरहेको बताउदै यातायात व्यवस्था विभागका महानिर्देशक गोगन हमालले महिनौँ कुर्नुपर्ने स्मार्ट लाइसेन्स अब भने सहजै पाउन सकिने उनले बताए ।

हाल विभागले लकडाउनको अवधिमा छापिएका र अन्य समयमा छापिएका स्मार्ट लाइसेन्स लकडाउन खुकुलो भएसँगै वितरण थालेको छ । हमालका अनुसार लकडाको अवधिमा एक लाख ८० हजारभन्दा बढी स्मार्ट लाइसेन्स छापिए बताए ।

हाल दैनिक यातायात कार्यालयबाट तीन हजारभन्दा बढीका दरले लाइसेन्स वितरण भइरहेको हमालले जानकारी दिए। विभागले सवारी चालक अनुमतिपत्र (स्मार्ट लाईसेन्स) छपाइ र वितरणमा देखिएको समस्या दुई महिनाभित्र अन्त्य हुने जानकारी गराएको छ ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.