चितवन, असार १: चितवनको पृथ्वी राजमार्गमा पर्ने चुमलिङ्टारमा ट्रक र माइक्रोबस एकआपसमा ठोक्किदा तीन जनाको ज्यान गएको छ भने सात जना घाइते भएका छन् ।
पोखराबाट काठमाडौंतर्फ गइरहेको ग १ ख ७६९२ नम्बरको माइक्रोबस र काठमाडौंबाट मुग्लिनतर्फ आइरहेको ना छ ख ४०६४ नम्बरको ट्रक शुक्रबार बिहान ७: २० बजे चुमलिङ्टारमा एकआपसमा ठोक्किएका हुन् ।
घाइते सातमध्ये चार जनाको अवस्था गम्भिर रहेको चितवन ट्राफिक प्रहरी विश्व नेपालले बताए । उनका अनुसार इलाका प्रहरी र ट्राफिक प्रहरी मुग्लिनले उनीहरुको उद्दार गरेर सबैलार्इ चितवनको भरतपुर अस्पताल ल्याइरहेको छ ।
ट्रकको स्टेरिङ्ले काम नगरेपछि ठोक्किएको चालकले बताएको प्रहरीले जनाएको छ । ट्रक सडकबाट पचास मिटर तल त्रिशुलीमा खसेको ट्राफिक प्रहरी विश्व नेपालले बताए ।
