पाल्पा, जेठ २२: माथागढी गाउँपालिकास्थित रुप्सेमा भएको ट्र्याक्टर दुर्घटनामा एक जनाको मृत्यु भएको छ ।
मुत्यु हुनेमा माथागढी गाउँपालिका–३ का जीवन कुमाल रहेका छन् । रुप्सेबाट खहरेखोलातर्फ जाँदै गरेको लु ३ त १९५३ नं को ट्र्याक्टर रुप्सेको मोहने भन्ने स्थानमा दुर्घटना भएको प्रहरीले जनाएको छ ।
दुर्घटनामा परी सोही ठाउँका राहुल कुमाल घाइते भएका छन् । उनको तानसेनस्थित लुम्बिनी मेडिकल कलेजमा उपचार भइरहेको छ ।
रासस
