जीपको ठक्करबाट प्रहरी सहायक निरीक्षकको मृत्यु

रिपोर्ट नेपाल | 2020 Feb 14 | 05:46 pm 2455

काभ्रे, फागुन २: शुक्रबार दिउँसो बनेपामा जिपको ठक्करबाट एक जना प्रहरी सहायक निरीक्षकको मृत्यु भएको छ ।

मृत्यु हुनेमा प्रहरी चौकी साँगामा कार्यरत प्रहरी सहायक निरीक्षक तेजबहादुर गुरुङ रहेको प्रहरीले जानकारी दिएको हो ।

भक्तपुरबाट पाँचखालतर्फ जाँदै गरेको बा १९ च १३२३ नम्बरको जिपको ठक्करबाट गम्भीर घाइते भएका उनको धुलिखेल अस्पतालमा उपचारको क्रममा मृत्यु भएको प्रहरीले जनाएको छ ।

प्रहरीले जिप चालकलाई नियन्त्रणमा लिएर अनुसन्धान गरिरहेको बताइएको छ ।

नवलपरासी घर भएका २४ वर्षका असई गुरुङ चार वर्षदेखि काभ्रेमा कार्यरत रहेको बुझिएको छ ।

काभ्रेका प्रहरी प्रमुख एसपी रवि पौडेलका अनुसार बाटो काट्ने क्रममा जिपको ठक्करले असई गुरुङको मृत्‍यु भएको बताए ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.